NADUGANG sa listahan sa mga siyudad ug munisipalidad sa rehiyon-12 ang Sarangani Province nga nadeklara na usab og classs suspension.
Sa Executive Order (EO) No.13 nga gipirmahan ni Gobernador Ruel Pacquiao, gideklara niini ang provincial-wide suspension sa face-to-face classes tungod sa tumang kainit sa panahon.
Ang pagsuspenso ang magsugod karong adlawa, Abril 3 hangtud 19 ning kasamtangang tuig. Migula ang desisyon human sa pulong sa Provincial El Niño task force kauban ang Department of Education (DepEd) sa probinsiya.
Giawhag usab ni Pacquaio ang mga magtutudlo ug magtutungha nga magpahigayon nga i-adopt ang alternative learning system.
Sama sa online classes ug modular learning ug uban pang modalities. Sa forecast sa weather bureau nga PAGASA karong adlawa, mokabat sa 38 degree Celsius ang heat index o init nga masinatian sa GenSan ug Sarangani. I Richel Gubalani