NAGMALAMPUSON ang ika-46 nga End Stunting Now Activity sa Brigada Gensan sa Family Planning Unit sa Dr. Jorge P. Royeca Hospital Disyembre 27 sa kasamtangan nga tuig.
Sumala kay Midwife II Merchel Gabonada nga daku ang iyang pasalamat sa adbokasiya sa Brigada nga End Stunting Now kay nakatabang kini sa ilang mga kliyente sa Family Planning Unit matag adlaw nga Miyerkules.
Daku sumala pa ang natampo sa Brigada sa pagpaabot sa impormasyon ngadto sa mga kababayen-an kalabot sa kamahinungdanon sa pag amping sa bata gikan sa sabakan sa inahan.
Sa katibuk-an anaa sa kapin ug kulang tulo ka libo ka mga mabdos nga nagatambong sa Pre-Natal Orientation ang nakabenipisyo sa adbokasiya sa Brigada Gensan.
Mokabat usab sa 28 ka mga mabdos ang nakabenipisyo sa pa raffles, infant kits ug arrozcaldo sa ulahing activity. Ver Diazon