Farm School Plano nga tukoron sa San Carlos

Gikatakdang butangan ug farm school ang Quezon Nat’l HighSchool  ning dakbayan San Carlos Negros Occidental.

Kini mao ang usa sa mga programa ni DEP-ED- 6 Regional Director Dr. Ramir Uytico sa iyang paglingkod isip bag-ong director sa rehiyon 6 diin  kagahapong adlawa   iyang gibisita ang QNHS nga target nga maoy unang tukoran sa farm school.

Matod pa ni Dr. Uytico , usa sa iyang nakitang  rason nganung dili katungha ang usa ka bata o dili kini produktibo sa tunghaan tungod sa kagutom og kapigadohon.

Busa gitinguha niya nga mahinayon ang farm school sa matag Division sa Region 6  aron edukaron ang tawo pinaagi sa pagtudlo ug insaktong pagpananom o pormal nga edukasyon kalabot niini aron nga magamit nila kini sa umaabot.

Gibutyag niini nga nasugdan na nila ang pagbalay sa curriculum sa maong farm school ug malaomon sila nga mahinayon na kini sa hingpit.

Nasayran nga ang DEPED -6  o sa Western Visayas pa lang sa tibuok nasud ang nakahimo ug inisyatiba kalabot sa farm school nga gidumalahan sa DEP-ED.Tungod niini dako ang pasalamat ni Dr Uytico sa suporta nga gipakita ug gihatag sa Lokal nga Kagamhanan sa pagpangulo ni Mayor Rene Gustilo  ug ingon man sa kamaabtikon ni  Schools Division Supt. Anthony Liobet nga niugyon usab sa iyang kadasig nga matoman ang maong programa sanglit dako kining katabang sa mga tinun-an sa umaabot.