MISAKA na sa 23 fireworks-related injuries ang natala sa Soccsksargen region, gikan sa unom ka kaso atong Desyembre 25, 2023.
Butyag ni Jenny Ventura, Iwas Paputok campaign focal person sa Department of Health (DOH) Sarangani- GenSan, sagad nakaangkon og injury mao ang lalaki edad siyam hangtud 19-anyos.
Kinse sa na-injury ang naa sa balay samtang walo ang nakaangkon og samad sa dalan. 52% niini ang gikalambigitan sa iligal nga pabuto sama sa 5-star, boga, piccolo, triangle ug whistle bomb. Sa datus,walo sa kaso ang natala sa probinsiya sa Cotabato samtang 15 sa South Cotabato.
Wala usab natala nga nabuthan sa GenSan ug Sarangani. Subling miapela si Ventura sa publiko nga angayang likayan ang paggamit og pabuto partikular na sa mga iligal nga pabuto. I Richel Gubalani