Arestado ang isa ka manugbaligya sang isda matapos ginserbehan sang warrant of arrest sang mga kapulisan sa Pueblo de Panay, Brgy. Lawaan, Roxas City.
Ginkilala ang naaresto kay Joemarie Lozano Altamia alyas Jojo, 36-anyos, residente sang Washington St., Brgy. VII, sining syudad.
Nagapangatubang sang kaso nga paglapas sa RA 10883 ukon The New Anti-Carnapping Act of 2016 si Altamia.
Ang warrant of arrest ang gin-isyu kag permahan ni Hon. Lorencito B. Diaz, Presiding Judge sang Regional Trial Court, 6th Judicial Region, Branch 17, Roxas City napetsahan Mayo 30, 2023.
Ginrekomendar sang korte ang P200,000 nga piyansa para sa temporary nga kahilwayan sang akusado.
Sa karon, nagapabilin sa kustodiya sang Roxas City PNP ang suspek para sa nagakaigo nga disposisyon. | Judy Ann Juare