Ginpaalinton ni Atty. Rayfrando Diaz II, provincial administrator sang Negros Occidental yara sa masubra sa dos cientos ka mga pasahero kada flight ang naga-abot sa airport sakay sa eroplano sang Philippine Airlines kag Cebu Pacific Airways.
Dugang pa sini, sa subong nga bulan sang Nobyembre duha lamang ka mga hinambitan nga airlines ang nagabiyahe kada adlaw samtang magasugod sang ila sini nga daily flight ang Air Asia sa pag-abot sang una nga adlaw sang bulan sang Disyembre sa tunga sang paglaom nga magapabilin sa gihapon sa alert level 2 ang probinsya.
Pagklaro ni Diaz wala ginapagustuhan sang probinsya ang biyahe sang eroplano sa baylo may ginasunod ang mga ini nga guidelines ukon pagsulundan sa diin kasubong man ini ang matabo upod sa Vallacar Transit nga indi makapagusto ang bus company sa ila sini biyahe ilabi na pasulod halin sa Negros Oriental.
Para sa provincial administrator dapat may yara sang guidelines makaprotehir sa mga pumuluyo.