Foreman nga taga Davao City gipikhan sa mga kriminal sa NorCot patay

Dead on arrival nga gidala sa balay tambalanan sa lungsod sa Aleosan sa North Cotabato ang usa ka Foreman nga residente sa Matina ning syudad sa Davao human kini gipusil sa National Highway sa Barangay Batolawan lungsod sa Pikit, North Cotabato alas 9:20 sa miaging buntag samtang sakay sa Elf Truck.

Sa report giila ang biktima nga si Exedos Namoc, 47 anyos nga taga Matina Davao City usa ka Foreman sa Construction Company nag nakabase dinhi sa Davao City apan dunay proyekto sa North Cotabato.

Gibutyag ni PMajor Rolando Dillera Jr, hepe sa Pikit MPS, sa unom ka pahinante sa Elf Bonggo Truck bugtong si Namoc lang ang gipuntirya sa mga suspek nga nakasakay sa motorsiklong walay plaka.

Padulong unta sa Tulunan  ang biktima og laing lima ka kauban aron bisitahon ang ilang proyekto apan dihang pag-abot sa lugar kalit gipusil ang biktima.

Work related ang nag-unang anggulo nga ginalantaw sa Pikit MPS sa nasangpit nga krimen apan padayon pang gisubay ang ubang posibleng motibo sa pagpatay sa foreman. BNFM-DAVAO

Leave a Reply

Your email address will not be published. Required fields are marked *