LEGAZPI CITY – Inatendiran kan manlain-lain na mga grupo sa probinsya kan Albay an Forum Series manungod sa Charter Change (Cha-cha) sa sarong eskwelahan sa Legazpi City kasuhapon.
An forum, pinangenotan kan Makabayan asin Bayan Muna Party-List, kun sain inimbetaran asin naging tagapagtaram si Human Rights Lawyer asin Presidente kan National Union of Peoples’ Lawyers na si Atty. Neri Colmenares.
Naghayag man kan saindang pagkondenar an manlain-laing mga grupo mapadapit sa su boot pagpapapirma sa mga Albayano sa People’s Initiative form karibay an kwarta.
Presente sa aktibidad an nagkapirang mga estudyante hale sa manlain-laing eskwelahan sa probinsya, kairibahan an grupong Magbubukid ng Bicol, Kabataan Party-List, Bicolana Gabriela asin dakol pang indibidwal na nagrerepresentar sa saindang sektor asin nagkokondenar sa pigbubusol na Cha-cha nganing amyendahan an Konstitusyon.