GIHINGUSGAN karon ni Fr. Angel Buenavidez, Vicar General sa Diocese of Marbel nga dili lang sila sa simbahan ang angayang mobabag sa pagmina sa SMI sa South Cotabato.
Kini human usab nasayran nga nakigtagbo si DENR Sec. Roy Cimatu sa mga local officials sa Tampakan, asa nahimutang sa dakong deposito sa gold ug copper ingon man sa mga opisyal sa DENR sa rehiyon.
Segun ni Fr. Buenavidez nga tanan kinahanglan ang adunay responsibilidad nga kapanalipdan ang kinaiyahan.
Alang kaniya kinahanglang pakiglambigitan kini sa tanang katawhan sa Soccsksargen ug dili lang sa simbahan.
Ang pagmina may dautang epekto sa kinaiyahan nga bisan ang taga GenSan ug ubang silingang lugar sa South Cotabato ang apektado.
Bugtong hangyo niini sa mga pulitiko nga dili magpasilaw sa kwarta ug iyaha matud pa kining ginaampo nga dili molampos ang plano nga pagmina human usab giwagtang na ang ban sa open pit mining sa mismong kalihim sa DENR. Luyo nga kinahanglan ang pagpalambo sa ekonomiya apan dili usab kinahanglang mapadaplin ang social ug ecological justice aron aduna pay mabilin sa musunod nga henerasyon.