Nadakpan ang 19-anyos nga suspek matapos nga ginkawat ang bag nga naga-unod sang kwarta nga ginapanag-iyahan sang isa ka fruit vendor sa sulod sang Teodoro Teodoro Arcenas Trade Center.
Ginkilala ang suspek kay Ronilo Deando, 19-anyos, residente sang Barangay Balatucan, banwa sang Panitan.
Suno sa impormasyon nagikan sa mga kapulisan, ginpahayag sang biktima nga si Gloria Presas, 78-anyos, isa ka vendor kag residente sang Barangay Bula, Mambusao hinali lang ini nga nakabugtaw kag nakita sa akto nga ginakuha sang suspek ang iya bag nga naga-unod sang P7,000.
Madasig naman nga nakapangayo sang bulig si Presas sa nga guwardiya sang nasambit nga merkado kag natigayon nga madakpan si Deando.
Sa karon, nakahunong ang suspek sa Roxas City Police Station para sa nagakaigo nga disposisyon kag natalana nga pasakaan sang kaso.