YABO ang negosyo sa pastilan ug vulcanizing shop sa nagapadayon nga General Community Quarantine kun GCQ sa General Santos City.
Sa Makar area gihinabi sa 89.5 Brigada News FM Gensan si Allan negosyante og pastil daplin sa national highway kung unsay epekto sa gideklarang GCQ sa syudad, sumala ni Allan, Desyembre lang siya nagsugod sa negosyo ug karon usa siya sa apektado istrikto nga kwarantina.
Sa bana-bana ni Allan, 75 porsyento sa iyang kita ang nawala sa unang tulo ka adlaw sa GCQ.
Sumala usab sa vulcanizer nga si Abraham Castil nagakamang ang iyang kita sa unang tulo ka adlaw nga GCQ status layo na kaayo sa normal nga income kay una apektado na sila sa curfew kay alas 10 sa gabei ginasita na sila aron manirado.
Si Alan nagsulti nga dili siya gusto og ayuda kay dili man paigo sa kapin bulan nga GCQ mas maayo daw kon may solusyon ang local IATF nga dili mosangko sa pagpasirado sa mga negosyo, sumala usab kay Castil gusto usab niini og ayuda kay kulang ang iyang kita matag adlaw. ( Ever Diazon)
Photo Google