MIDILAAB ang grassfire sa bagnutan sulod sa ektaryang compound sa General Santos City airport, alas-10 sa buntag, Abril 3.
Asa baga nga aso ang misugat sa mga bombero bagnutang bahin sa compound sa GenSan airport, partikular duol sa buhatan sa Civil Aviation Authority of the Philippines (CAAP).
Mitabang usab sa pagpalong sa kalayo ang mga construction worker, gamit ang hose ug hard hat.
Miresponde usab ang halos lima ka fire truck gikan sa nagkadaiyang bahin sa GenSan ug firetruck sa gikan sa pribadong kompanya.
Sa pamahayag ni Joel Gavina, manager sa CAAP-GenSan luyo sa pag-igo sa grassfire, wala naapektohan ang operasyon sa airport.
Ang firefight ang milungtad og halos upat ka oras, bag-o kini dayon nga napalong sa mga bombero.
Kini na usab ang ikatulong grassfire nga miigo sa airport. Sa datus usab sa BFP-GenSan, gikan Enero hangtud Abril misaka na sa 110 ka grass fire ang narespondehan nila. I Richel Gubalani