ANDAM ang kapulisan sa GenSan ugaling dunay ubang government agency nga magpahigayon og parallel investigation.
Kalabut sa pagkamatay ni Fernando Delas Marias alyas Lando, 50-anyos, taga Barangay Bula nga namatay sa kamot sa kapulisan. Matud ni Police Col. Nicomedes Olaivar Jr., director sa GSCPO andam sila ugaling dunay mosunod nga investigating body. Aron gilayong masayran ang kamatuoran sa pagkamatay ni Delas Marias dungan sa gikasa nga hot pursuit operation sa mga pulis.
Si Delas Marias ang suspek sa pagpatay sa usa ka Paul Justine Besana nga pag-umangkon sa pulis nga usa usab sa lambigit sa operasyon. Ang pulis nga si Besana ug laing duha pa ang una nang gitaktak sa pwesto dungan sa kwestyonable nga operasyon nga gikamatay ni Delas Marias. I Richel Gubalani