HUGOT ang gipatumang checkpoint partikular na sa mga border batok kriminalidad, apan giklaro nga gisunod nila ang plainview doctrine.
Ang pamahayag ni Police Col. Nicomedes Olaivar Jr., director sa General Santos City Police Office (GSCPO) ang dungan sa pagkwestyon sa seguridad.
Human sa insidente sa pagpatay, asa labing ulahing gipatay mao ang usa ka pulis nga gipusil sa mga armadong lalaki gamit ang armalite.
Matud ni Olaivar ang iyang mga sakop hugot gipatuman ang plain view doctrine dungan sa pag-inspeksyon sa mga pasahero ug sakyanan.
Kini isip ang ginahimo sa mga sakop sa Task Force sa GenSan apan sa impormasyon dunay exemption ang doktrina kung dunay makita nga gikadudahang butang sa sakyanan.
Nakita usab ni Olaivar ang posibilidad nga naa nang daan sa GenSan ang mga high powered firearms bag-o paman ang pagpatay kang Police Corporal Ricky Gomez, intel officer sa presinto sa Carmen, North Cotabato. I Richel Gubalani