GIPUNTO karon ni Brigada Elmer V. Catulpos nga mas daghan ang mamugna nga trabaho nga makahatag alibyo sa kinabuhi sa naglisod nga katawhan kung trabahuon ang GenSan dream.
Alang kang Brigada Elmer ang GenSan namugna tungod sa pangandoy sa mga unang leader sama ni Gen.Paulino Santos, kuyog sa mga pioneers kaniadto ug uban pa.
Sila ang nagmugna sa plano alang sa panginabuhian, mga kalsada, tulay ug ubang gamit nga makatabang sa pagtuman sa ilang ‘dream for better life’ dinhi sa dakbayan.
Dugang sa Ama ng Brigada ang kalambuan karon sa GenSan ang mugna sa urban planning kapin 30 ka tuig na ang milabay ni kanhing Mayor Adelbert Antonino sama sa circumferential roads, modernong airport ug fishport sa Tambler ug ang expansion sa pantalan sa Makar.
Ang GenSan dream, alang kang Brigada Elmer maoy direction sa urban planning niini alang sa GenSan aron matud pa klaro ang direksyon ug mas daghan ang makaangat sa kinabuhi.
Bisan niini gitino usab nga ang GenSan ang atong balay, bahandi ug garbo mao nga angayan lang kining makaangkon og kalambuan sama sa gihandum nga Singapore, hinungdan angayang magtinabangay ang tanan.