LUYO sa pagpabiling anaa sa ‘green zone’ sa GenSan kalabutan sa African Swine Fever o ASF hugot gihapon nga gibawal ang pagpasulod og mga pork ug pork processed product sa syudad.
Sumala ni Dr. Emilio Gargaran, City Veterinarian Officer hugot nga seguridad ang gipatuman sa siyam ka checkpoint area nga gimuntar, ug padayon ang pagkonpiska sa mga pork processed products nga ginapalusot gikan sa laing lugar.
Kung asa mikabat sa 5.9kgs sa lechon baboy ang gikompiska karong bulan sa Hunyo gikan sa usa ka lechon house sa Barangay Calumpang. Nakonpiska usab sa Tinagacan checkpoint ang 31 packs sa pork chorizo ug tocino products nga gikarga sa bus gikan og Davao City.
Nagpahimangno ang nasangpit nga opisyal sa katawhan nga likayan ang pagpalusot og mga karne nga walay permiso sa ilang opisina gumikan diretso nila kining sunogon kung maharang sa checkpoint.
Kahibaloan milabayng tuig pipila ka baboy ang gi-culling human naigo sa ASF, ug daghan nga mga backyard hograisers ang nalugi. I Enamie Mogpon