Higit isang buwan bago ang Pasko – binayaran na ang sahod ng mga manlalaro at staff ng Quezon City Gerflor Defenders sa tulong ng isang good Samaritan.
Ito’y matapos mabalita na lampas isang buwan nang delay ang kanilang sahod – batay sa reklamo ng isang player.
Ayon kay Sammy Acaylar, head coach ng koponan, tumulong ang isang fan na sumagot sa sweldo ng manlalaro; ngunit hindi na nito binanggit ang pagkakakilanlan ng fan.
Dahil dito, ginanahan maglaro ang Gerflor Defenders sa kanilang PVL on Tour sa Cagayan De Oro.
Samantala, pinayuko ng Akari ang Gerflor sa scores na 18-25, 15-25, at 19-25.