SUBLING gidepensa sa administrasyon ang pagsaka sa kantidad sa confidential fund sa LGU-GenSan human kini gikwestyon pinaagi sa facebook post sa usa ka konsehal.
Gikaengong pagpanglimbong sa tawo ang unod sa facebook post ni konsehal Jane Rivera nga nagkwestyon sa pagsaka sa confidential fund karong tuiga og naa sa P80 milyon gikan P30 milyon panahon sa Ronnel Rivera administrasyon.Dugang ni Gacal, misaka na ang panginahanglan sa siyudad aron protektahan ang kahapsay ug kalinaw tandi sa panahon sa kanhi mayor.
Gisunod nila ang gimugna nga guidelines sa Commission On Audit (COA) kalabut sa paggastos sa confidential fund sa siyudad. Gisulayan og tawag news team si Rivera kalabut sa tubag ni gacal sa iyang post apan kini ang wala pa katubag sa kasamtangan. Base sa confidential spending nga gipagula ni Rivera sa iyang social media account gikan 2019- 2024 misaka og P50 milyon ang confidential fund sa gensan.
Ang datus sa post ang gikan sa GenSan financial statement nga gi-cite sa COA. Sa balaud, gastosan sa confidential funds mao ang pagpalit og impormasyon, payment reward sa informant, rental o transportation kalabur sa confidential activity o uban pang dunay kalabutan sa peace and order sa lugar. I Richel Gubalani