Gilas ‘bokya’ sa FIBA 3×3 Olympic Qualifying Tournament

Nabokya sa panalo ang Gilas Pilipnas sa FIBA 3×3 Olympic Qualifying Tournament sa Graz, Austria.

Ito ay kasunod ng pagkakatalo ng Gilas sa France, na unbeaten ngayon, sa score na 14-15.

Ginawa nina Charly Pontens at Dominique Gentil ang mga puntos sa pagsisimula ng laro na dahilan upang makalayo ang France sa score na 10-3.

Agad naman pinutol ng Gilas ang malaking lamang ng France sa score na 13-11 sa tulong na rin ng permieter shot ni CJ Perez.

Tila ay naging imposible naman para sa Gilas na makahabol pa sa score matapos pumalo sa 15-11 ang lamang ng France.

Naipasok pa ni Joshua Munzon ang huling lay-up nito, ngunit ito na ang huli para sa kampanya ng Gilas sa 3×3 tournament.

Unang nakatikim ng talo ang Gilas sa koponan ng Qatar, Slovenia at Dominican Republic.

Leave a Reply

Your email address will not be published. Required fields are marked *