Nagpaliwanag sa BRIGADA News FM Kalibo ru gina sugid nga “Ayam nga naging Tawo” sa banwa’t Lezo matapos mag viral sa social media.
Sa ekskusibong interview kay Mr. Charlie Cahilig it Brgy. Cabayugan, Malinao, Aklan, sangka habal-habal driver, nagpaliwanag nga uwat kamatuuran ru gin paabo nga estorya rason nga paga kasuhan na ru nag-umpisa kara.
Aminado si Cahilig nga apektado eon ru anang mga pamilya kapin pa ru mga unga nga mga menor de edad.
Suno kay Mrs. Wilma Cahilig, nanay it gina sugid nga “Ayam nga naging Tawo”, nag-umpisa sigun ru alegasyon sa report it sangka radio station sa Kalibo.
May una sigun nga nakit-ang ayam nga kakaiba ag maamo nga uyahon raon nga gin dakup sigun it pulis , gin daea ag gin kulong sa presento it Lezo MPS para sa kustodiya nga kun sin-o man ru tag-ana hay pweding ma claim sa nasambit nga MPS.
Tuman ka kibot sigun kat magbag-o ru bilog nga eawas ang tawo.
Pero aminado si Mrs. Cahilig nga may gin hatud ru anang unga nga sa Lezo halin sa Malinao apang kat natabo ru transformation it ayam sa tawo hay nakauli eon ru anang unga sa andang panimaeay.
Apang, suno man sa Lezo MPS, uw ait kamatuuran ru impormasyon kundi naghalin eamang alegasyon it mismong taga-Malinao.
Sa makaron, na trace eon ru nagpasimuno it saeang impormasyon rason nga gin patawag it pamilya Cahilig sa barangay ag haum nga magsasampa it kaso dahil sa pagpanamad.