Hugot nga gipahimangnoan sa lokal nga pagamhanan sa syudad sa Cagayan de Oro ang katawhan ug mga deboto sa pagsunod sa giya nga gipagawas atol sa kasaulogan sa Semana Santa karong Abril 6 hangtud 9, 2023.
Nauyonan atol sa panagtigom sa mga key departments sa city hall, coast guard, COCPO, mga opisyales sa Barangay Tablon, Agusan, Balubal, Cugman ug Bonbon bag-ohay lang, nga adunay mga gabayan nga pagasundon sa mga pilgrimage sites sa Guadalupe Shrine ug Malasag nga kasagaran gadugokan sa mga deboto matag Semana Santa.
Ang mga mosunod maoy angay tamdan:
Guadalupe Shrine: Balubal entrance – cut off time sa pagpasulod sa mga deboto agi sa Balubal hangtud lamang alas 5:00 sa hapon ug abri sila sugod alas 5:00 sa buntag.
Tablon ug Agusan entrance – cut off time sa pagpasulod alas 4:00 sa hapon ug abri sila sugod alas 5:00 sa buntag.
Malasag Station of the Cross – abri kini sugod alas 4:00 sa kaadlawon ug hangtud lamang sa alas 10:00 sa gabii.
Samtang istriktong gidili usab ang pagpanigarilyo lakip vaping, overnight camping sa mga pilgrimage areas; mga bata nga ubos sa 15 anyos, ingon man pagdala og mga posporo ug lighter. -END-