Maingat na pinag-aaralan ngayon ng gobyerno at benabalanse ang kanilang quarantine policies para protektahan ang buhay mula sa COVID-19, habang pinagaganda ang sitwasyon ng ekonomiya, sa gitna na pumalo na sa 4.14-M ang unemployed Filipinos noong Abril.
Ayon kay Senator Christopher “Bong” Go, kapag nagbukas naman, maaalagaan ang ekonomiya, marami na naman ang trabaho, at muling sisigla ang kabuhayan ng mga Pilipino.
Binigyang diin ni Go na ang bagong expansion sa national vaccination program sa mga essential workers o sa A4 priority group, ay magbibigay daan sa gobyerno pagdating sa pagbalanse sa kalusugan at ekonomiya.
“Kaya nga po nasa priority list na po ngayon ‘yung mga economic workers o essential workers at economic frontliners,” saad ni Go.
“Sila po ‘yung binabakunahan ngayon kasi sila po ‘yung kailangang magtrabaho at kailangang lumabas,” dagdag pa nito.