GIPASALAMATAN ni South Cotabato Governor Reynaldo Tamayo ang parehong anti ug pro mining groups nga nagpahigayon sa ilang matag aktibidad atubangan sa kapitolyo sa probinsya kagahapong adlawa.
Giatubang sa gobernador ang duha ka grupo ug gipasalamatan sa pagpasibaw sa ilang matag bahin ug gipasalamatan tungod nagmalinawon ang ilang aktibidad.
Lakip gipasalamatan ni Tamayo ang kapulisan alang sa hapsay nga panagtapok, asa gibanabanaan sa hepe sa kapulisan sa Koronadal nga anaa sa sobra 3-K ang mga anti mining ug sobra libo usab sa mga pro mining groups.
Wala usay giluwatan si Gov. Tamayo kung i-veto o dili ang amendments sa Environmental Code nga nagtugot sa open pit mining gawas sa gipasalig nga magdesisyon kini sa matinud-anon nga pagdesisyon hinungdan nangayo usab kini og igong panahon.
Nasayran nga gisinggit sa anti mining group nga suportado sa simbahan ang pag-veto sa gobernador sa ordinansa nga nagtugot sa open pit mining samtang sa pro mining group nga suportado sa mga tribal chieftain sa Tampakan, nagbutyag nga kaayohan ang tumong sa pagmina pinaagi a SMI sa maong lugar.