Pinayagan ng Malacanang ang special commercial flights na ibiyahe pabalik sa Pilipinas ang mga overseas Filipino workers na stranded sa mga bansang covered ng inblund flight travel ban na ipinatupad para maiwasan ang Delta variant transmission.
Ayon kay Presidential spokesperson Harry Roque, kabilang sa mga isasakay sa special commercial flights ay mga OFWs na stranded sa Oman, United Arab Emirates, India, Pakistan, Sri Lanka, Nepal, at Bangladesh.
Pero, ang mga commercial flights na ito ay subject sa guidelines kabilang ang paggawa ng Special Working Group (SWG) na bubuo ng implementing protocols para sa special commercial flights sa koordinasyon sa concerned airlines.
Bubuuin ng Department of Health, Bureau of Quarantine, Overseas Workers’ Welfare Administration, Department of Foreign Affairs, Department of Transportation at One-Stop Shop, Philippine Coast Guard at Department of Tourism ang SWG.
Sa kabila nito, susundin pa rin ang kasalukuyang guidelines sa pagpapatupad ng exemptions para sa Philippone government at non-Philippine government repatriation.
Ang ban sa flights sa mga nabanggit na bansa ay epektibo hanggang July 15.