I-MAXIMIZE sa GenSan City Police Office ang ihap sa ilang mga sakop aron bantayan ang seguridad atol sa pag-obserba sa semana, ipakatag ang mga pulis sa mga simbahan ug mga beach resorts. Pangunahan ni Police Col. Nicomedes Olaivar Jr, director sa GSCPO ang himoong coordinating conference kauban ang kasundalohan ug Philippine Coast Guard (PCG) aron plantsahon ang seguridad sa semana santa. Ang pulong ang tambongan sa tanang police station commander sa gensan, opisyal sa Task- Force GenSan, PCG ug ubang force multiplier.
Matud ni Lt.Col. Aldrin Gonzales, deputy city director for administration sa GSCPO, ipresenta usab sa coordinating conference ang seguridad dili lang sa semana santa kung dili lakip na sa summer vacation.
Ipakatag nila ang mga personahe sa mga simbahan aron masiguro ang kaluwasan sa mga deboto.
Tutukan usab nila sa pagbantay ang mga transport terminal, beach resorts, mall ug uban pang dapit nga gilaomang dagsaon sa mga tawo. I Richel Gubalani