MAKIGPULONG ang kapulisan sa mga tag-iya og establisihmento sa GenSan dungan sa pag-atake sa tulisan sa pawnshop sa Koronadal City. Matud ni Police Col. Nicomedes Olaivar Jr., director sa GenSan City Police Office (GSCPO) tumong ang hatagan sila og tips batok robbery.
Dugang ni Olaivar Jr., angayang masiguro sa mga personahe sa mga establisimento kung paunsa malikayan ang mabiktima sa krimen.
Gawas niini, nakaalerto usab ang mga pulis sa GenSan dungan sa pagpanglimas sa unom ka armadong lalaki sa alahas ug salapi sulod sa Agencia Brillantes sa Koronadal City. 2014 o napulo katuig ang milabay gitulis usab ang maong pawnshop.
Karon nagpahigayon na og profiling ang kapulisan sa mga suspek samtang giimbestigahan usab ang posibilidad nga kanhi mga pulis ang mga suspek. I Richel Gubalani