Nabarilan sa dahi ag likod nga portion it ueo ru gumankon matapos masae-an nga amo sa Brgy. Tagarorok, Nabas, Aklan alas 10:00 ng umaga.
Sa imbistigasyon it Malay MPS, nakilaea ru biktima nga si John Felix Vicente, 22 anyos ag residente it nasambit nga lugar.
Samtang, nakilaea ru mga suspek nga sanday Anicito Alyas “Kano” Francisco, tiyo it biktima ag kaibahan nga si Bobby Columbres.
Gamit it suspek ru 12 gauge shotgun ag pagka pan-o nga tawo ru habaril, tuman kakibot it suspek nga ana a gali nga gumankon ru nabarilan nga naga panueaon it tinuean-on.
Eaging gin daea sa baeay it suspek ru biktima agud ipaabot sa pamilya ru natabo ag dayon gin daea sa hospital.
Nasayuran nga uwa man it dating alitan ru biktima ag suspek.
Samtang, nagpadumdom ru Nabas MPS sa publiko nga may mga designated area nga indi dapat sudlon ru pilang ka mga area sa kabukiran it nasambit nga munisipalidad.
Kun ingkasong mapamatud-an nga may intention ru suspek sa pagbaril sa biktima hay paga pasakaan it naga kaigo nga kaso.
Sa makaron, sa kustodiya eon it Malay MPS ru suspek ag kaibahan kara matapos magsurrender sa nmga kapulisan daea ru baril nga gin gamit.
Samtang, maga himo pa gid it maid-id nga imbistigasyon ru Malay MPS.//MARIVIC Y. ILIN