Patay ang usa ka indibidwal human nga giluba sa usa ka kaubanan niini gumikan lamang sa usa ka babaye nga nahitabo niadtong Marso 19, 2022, alas 7:00 ang takna sa kagabion.
Giila sa kapulisan ang biktima nga si Agustin Masadi Amado, 29-anyos, residente sa Baba, Prosperidad, Agusan del Sur ug temporaryo gapuyo sa P-6, Brgy. Maug, Butuan City ug Security Guard sa Ventura Plywood sa Lilo, Banza sa syudad sa Butuan nga gi-unay ug luba sa iyang kauban.
Samtang ang suspek mao si Jonver Lahindao, security guard sa Ventura Plywood Philippine Inc , taga P-8, Brgy. New Visayas, San Francisco, Agusan del Sur ug temporaryo nagpuyo sa P-6, Brgy. Maug, Butuan City.
Base sa nahimong imbestigasyon nag inom matud pa ang duruha kauban ang usa pa ka kauban sa ilang boarding house. Apan miresulta kini sa init nga panagstorya ug mi-abot sa higayon sa pagpang luba. Gidugang pa sa imbestigasyon nga gumikan sa uyab o babaye ang hinungdan sa bangi sa duruha nga miresulta sa pagpangluba patay sa usa ka kaubanang security guard.
