LEGAZPI CITY – Dapat su boot na mas tutukan kan gobyerno an hababang budget sa edukasyon kaysa sa Charter Change (Cha-cha).
Segun ini sa Alliance of Concerned Teachers (ACT) Philippines, kun sain sinabi ni National Chairperson Vlademir Quetua sa Brigada News FM Legazpi na ini an saro sa sa mga kawsa kan learning crisis o learning gap sa bilog na Pilipinas susog sa report kan Education Commission 2 (EDCOM 2) No. 1991.
Sakop su boot kan hababang budget sa edukasyon an hababang suweldo kan mga paratukdo sa eskwelahan asin mga kakulangan.
An compensation para sa mga paratukdo, para kay Quetua, dapat na enoton kan gobyerno bako an cha-cha asin iba pang mga piggigiribong polisiya na dai man su boot nakakatabang sa mga paratukdo.
Segun kay Quetua, sa totoo kaini, dakula an utang kan gobyerno sa mga paratukdo.
Inihalimbawa kaini an school year 2020-2021 na panahon kan pandemya, luminampas na an mga paratukdo sa saindang teaching hours asin uminabot sa 77 days an saindang overtime alagad dai man nabayadan hasta sa ngunyan.
Apwera kaini, nagtetenir na hababa an chalk asin clothing allowance, asin an iba pang mga benepisyo na dapat para sa mga paratukdo, dai pa naitatao hasta sa ngunyan.
Ini su boot an nagkapira sa mga pigbubukod asin wino-workout ninda sa ngunyan asin naglalaom siyang matutukan man kan gobyerno an problemang ini.