GENERAL SANTOS CITY- TANGGONG sa selda sa Malungon Municipal police station ang usa ka habal-habal drayber human kini nasikop sa illegal drug buy-bust operation Purok 1, Barangay Banate, Malungon, Sarangani Province, kaniadtong Sabado.
Sa impormasyon sa kapulisan 34-anyos ang dinakpan nga wala gipanganlan. Dugay na matud pa kining gimonitor sa kapulisan human gitudlo nga responsable sa iligal nga droga sa lugar. narekober sa posisiyon sa suspek ang duha ka putos sa gitoohang shabu ug usa ka libo nga buy bust money. Matud sa hepe sa presento nga si PLT. Col. Jovenson Bayona, padayon ang ilahang paggukod sa mga indibidwal nga malambigit sa iligal nga droga aron mapugngan ang iligal nga pagkaylap sa shabu sa nahisgotang Munisipyo.