LEGAZPI CITY – Pinaliwanag kan lokal na gobyerno kan Sto. Domingo, Albay an delay sa proseso kan pagkonstruwir Sto. Domingo Community College.
Segun kay Mayor Jun Aguas, dakol na inagihan an LGU siring kan pagsumiter nin mga dokumento sa Commission on Higher Education (CHED) Bicol.
Enot kan taon 2019, iprinopwesto kan alkalde na magkaigwa nin sadiring eskwelahan sa kolehiyo sa alagad uminabot an pandemya kaya nadipisilan sinda sa pagkonstruwir kaini.
Dugang pa ni Aguas, orog pa sindang nadipisilan sa ordinansa sa Sangguniang Bayan huli ta may nagkapirang konsehal na nagkontra digdi, alagad nareyalisar man ninda na maray na magkaigwa nin kolehiyo.
Makakatabang kaya ini sa mga pamilya na mayong kakayanan magpaklase kan saindang aki sa kolehiyo.
Tinawan-doon pa ni Aguas, sinda na an may marekas na proseso sa konstruksyon nin community college kumpara sa iba an lokal na pang munisipyo sa probinsya.
Segun pa sa alkalde, sa Pebrero 15 an final inspection kan CHED sa institusyon, asin digdi maaaraman kun makakapag-ako na nin enrollees sa burukasan nin klase para sa school year 2024-2025.