PADAYUN pa ang gihimong imbestigasyon sa kapulisan sa ulahing insidente sa pagpusil patay asa biktima ang head sa Global Dynamic Star Security Agency.
Sa report sa kapulisan, naihan ang biktima kang Demar Santos, 37-anyos nga residente sa Purok Kaunlaran, Aquinoville, Brgy. San Isidro, GenSan.
Nahitabo ang pagpamusil alas sais sa gabii sa Purok 5, Tagumpay Intake, Brgy. Mabuhay samtang kini gamaneho sa usa ka Mitsubishi Strada nga may conduction ticket number B8 N877.
Kahibaluan nga si Santos ang ikaduhang biktima sa pagpamusil sa GenSan, adlawng Miyerkules.
Unang biktima ang usa ka Benjie Umpak, hamtong ang panuigon, laborer sa usa ka construction site ug taga Malapatan, Sarangani Province.
Gipusil-patay si Umpak alas-9:55 sa buntag sa car wash atubangan sa laundry shop sa Bulaong Avenue, Barangay Dadiangas West.
Kini na ang ika-22 ka insidente sa pagpamusil-patay sa GenSan gikan Enero hangtud ning kasamtangang bulan.