LEGAZPI CITY – Arestado an sarong helper huli sa mga kaso kaining duwang punto ki statutory rape o panlulugos ki menor de edad asin acts of lasciviousness na may kinaaraman sa child abuse sa Brgy. San Roque, banwaan kan Daraga, Albay.
Binisto an akusado na si alyas “Alejandro”, 19 anyos na residente kan Purok 5, Brgy. Bonga, syudad nin Ligao.
Segun sa report, naarestar ini sa kuasog kan mandahamiento de aresto, kun sain maabot sa PHP300,000 an piyansa para sa sarong punto nin statutory rape, mantang warang piyansa para sa saro pang punto.
Apwera kaini, maabot man sa PHP100,000 na piyansa an tinalaan para sa kaso kaining acts of Lasciviousness na may kinaaraman sa child abuse.
Sa ngunyan, an akusado dinara na sa saiyang court of origin tanganing hampangon an mga kasong isinampa kontra sa saiya.