PATAY ang Hepe sa Traffic Division sa Iligan City, human nadaro sa forward cargo truck,sa National Highway sa Barangay Mauswagon, Laguindingan, Misamis Oriental pasado alas dose sa udto kaganina.
Ang biktima nailang si Police Major Abogado Mautin, 38-anyos, minyo ug lumolopyo sa Kolambugan Lanao del Norte.
Matud ni Police Col. Rolando Cuya, hepe sa Iligan City Police Office Director, nga padulong sa Cagayan de Oro si Mautin alang sa iyang promotion sa dihang nahitabo ang disgraya.
Base sa imbestigasyon nawad-an ug preno ang forward cargo truck nga maoy hinungdan sa pagkabangga sa gimanihong sakyanan niini. Sa pagkakarong prisona ang drayber sa truck samtang ang biktima gipahiluna na sa iyang kabanay.(Jean Ruben)