KORONADAL CITY – MAHIGIT sa 100 na na mga health facilities sa Soccsksargen region ang accredited Konsulta providers. Ito ang inihayag ni Atty. Zainaldin Limpao, head ng collection division ng Philippine Health Insurance Corporation o Philhealth Region 12.
Ayon kay Limpao na ito ay kinabibilangan ng mga malalaking ospital, rural health units (RHUs) at maging nga mga maliliit na klinika na mayroong laboratory.
Umaasa naman ang opisyal na madadagdagan pa ang mga accredited Konsulta providers sa rehiyon upang ma-cover ang lahat na mga mamamayan na makapag-avail ng Konsulta package.
Ang Konsulta ay ang expanded primary care program na nagbibigay ng comprehensive outpatient health services katulad ng initial at follow-up primary care consultations, health screening and assessment, diagnostic services at mga gamot.
