Nag-release ng mahigit tatlong libong mga crablets o alimasag ang Municipal Agriculture Office sa ilog ng barangay Bancal sa Botolan, Zambales.
Ito ay upang magkaroon ng sapat na suplay ng alimasag na maaring mapakinabangan ng mga mangingisda sakaling pwedi nang hulihin at ibenta.
Ang pagpapawala ng alimasag noong November 10 ay sinaksihan ng mga punong barangay at mangingisda ng mga barangay na nasa gilid ng ilog.
Ayon kay Municipal Agriculturist Ramon Dolojan, malaki ang maitutulong ng dispersal ng mga alimasag sa ilog ng Bancal dahil kakalat ito sa magkakalapit na barangay at maraming mangingisda ang makikinabang.//Russell Banawa-BNFM IBA