Hiling na Academic Freeze sa Camarines Norte dahil sa banta ng COVID- 19 hindi pa natatanggap ng DEPED

CAMARINES NORTE- Inihayag ng Department of Education (DepEd) na wala pa itong natatanggap na komunikasyon hinggil sa hirit ng Sangguniang Panlalawigan na magpatupad ng dalawang Linggong academic freeze sa Camarines Norte dahil sa banta ng COVID- 19.

Sa panayam ng Brigada News FM Daet, sinabi ni Schools Division Superintendent Nympa Guemo na hindi pa niya alam sa ngayon kung ano ang nilalaman ng resolusyon pero binigyang diin nito na kung may ipapatupad mang suspensyon ng klase ay magdedepende  ito sa Local Inter Agency Task Force (IATF).

Kailangan lang umanong ipaalam ng Division sa Regional at Central Office kung magpapatupad ng academic freeze o suspensyon ng klase depende sa magiging assessment ng IATF.

Sabi ko nga we have to consult the provincial IATF kung may request or recommendation coming from the Sangguniang Panlalawigan, of course we have to inform the regional office and the central office,” ani Guemo.

“Kung base sa assestment ng IATF na kailangan nating i- accommodate ang resolution ng Sangguniang Panlalawigan, then we have inform the regional office.”

Matatandaang inaprobahan sa SP ang isang resolusyon na humihiling sa DepEd na magpatupad ng dalawang linggong academic freeze o suspensyon ng klase.

Yan ay dahil sa patuloy na pagtaas ng mga naitatalang kaso ng COVID- 19 sa lalawigan at posible umanong malagay sa alanganin ang kalusugan ng mga mag- aaral, magulang at guro.

Ang module distribution at retrieval ay magiging dahilan pa umano ng exposure ng mga guro at magulang dahil kakailanganin nilang pumunta sa eskwelahan sa nakatakdang araw.

Samantala, nag adjust na rin umano ng Alternative Work Arrangement ang DepEd upang maiwasan ang pagkalat ng sakit.

Leave a Reply

Your email address will not be published. Required fields are marked *