Arestado ang Rank no. 3 Most Wanted sa MIMAROPA sa kasong carnapping na si DIOVENALDO FACTORAN PITOS alyas “MAGE FACTORAN/KULOT” 38 anyos, residente ng Purok Sto. Niño Barangay Apurawan, Aborlan Palawan.
Naaresto ang suspek ng pinagsanib na pwersa ng PHPT Palawan at CIDG Palawan Provincial Field Unit sa isinagawang Manhunt Charlie at Oplan Pagtugis noong ika-24 ng Mayo sa Barangay Apurawan.
Ang suspek ay may arrest warrant na kasong paglabag sa New Anti-Carnapping Act of 2016.
Napag-alaman ng Brigada PNP- HPG na ang suspek ay nagrenta ng motorsiklo (Yamaha MIO 125) sa kanyang amo para maka-biyahe sa Puerto pero hindi niya ito ibinalik kaya siya inireklamo taong 2020.
Sa ngayon, humihemas na ng rehas sa Provincial Jail ang suspek.