House panel, OK sa pagpapalawig sa validity ng Bayanihan 2 sa katapusan ng 2021

Aprubado na ng House appropriations committee, ang mungkahi na palawigin ang funding para sa COVID-19 response ng anim pang buwan.

Ang panukala ay naglalayong muling i-extend ang validity ng pondo sa ilalim ng Bayanihan to Recover as One Act or Bayanihan 2 hanggang sa December 31 mula sa June 30.

Ito na ang ikawalang extension mula sa original deadline na Dec. 19, 2020.

Mababatid na sa ilalim ng Bayanihan 2, naglaan ang gobyerno ng P165.5 billion para pondohan ang pandemic response at recovery.

Matatandaan na noong nakaraaang linggo, inaprubahan rin ng House appropriations committee ang proposed Bayanihan to Arise as One Act or Bayanihan 3 na may pondong P405.6 billion, kabilang na ang bagong round ng ayuda para sa mga taong apektado ng health crisis. // MHEL PACIA

Leave a Reply

Your email address will not be published. Required fields are marked *