GIMONITOR karon sa Criminal Investigation and Detection Group (CIDG) ang gikaengong human trafficking activities.
Matud ni Police Lt.Col Ernor Melgarejo, deputy regional director sa CIDG-12 dungan sa intelligence report nga dunay aktibidad sa human trafficking sa lugar nga ginsakopan nga gikalambigit sa Chinese national. Dugang ni Melgarejo, lapad ang shoreline sa Sarangani ug GenSan hinungdan sa ilang pakig-alayon sa ubang ahensiya sa gobyerno kalabut niini.
Gibantayan usab sa CDIG-12 ang posibleng pag-agi sa mga foreign human trafficker sa kadalanan pasulod sa siyudad. Nakita niini ang posibilidad nga pagsulod sa mga nasangpit sa rehiyon gikan sa Philippine Offshore Gaming Operator (POGO) hub sa kaulohan.
Asa daghan og Chinese national nga nasuta na sa mga otoridad nga walay dokumento nga misulod sa nasud. Hagit usab kanila ang moderno nga paagi sa slavery, rason sa hugot nga pakig-alayon sa ubang law enforcement agency. I Richel Gubalani