Naka buoe it 3 medalya si Humble Beast Jennuel “Booh” De Leon sa swimming competition sa Batang Pinoy sa Rizal Memorial Complex Stadium sa Manila.
Uman nga pumakita it kapag-on sa swimming competition ru Aklanon swimmer nga si De Leon kontra sa mga ka aged level halin sa bilog nga nasyon it Pilipinas.
Base sa result it Batang Pinoy 2023, naka boe it bronze medal sa 50M Free Style; Silver medal sa 50 M butterfly; silver medal sa back stroke.
Ru 11th Asian Age Group Aquatics Championship hay gina sponsoran it Philippine Aquatics.
Samtang, si Humble Beast Jennuel “Booh” De Leon hay qualipikado eon para sa 11th Asian Age Group Swimming Championships sa New Clark City, Tarlac sa Pebreo 26-March 9, 2024.//MARIVC Y. ILIN