LEGAZPI CITY – Sinagibo kasuudma sa syudad nin Legazpi an ‘I Juanna Be Healthy’ – Cervical Cancer-free Activity sa pangengenot kan City Health Office.
Sa intrevista kan Brigada News FM Legazpi kay Amylen Santillan, Officer-in-Charge Population Division kan nasambit na opisina, sinabi niya na katakod ini kan pagseselebrar kan Cancer Awareness ngunyan na Pebrero.
Segun pa saiya, target kan aktibidad an mga babayeng nasa reproductive age, 30-49 anyos.
Nagsurat su boot sinda sa 70 mga barangay kan syudad nganing maghagad nin tigduruwang mga partisipante sa nasambit na aktibidad.
Kasabay digdi an pagkondusir nin Human Papillomavirus (HPV) DNA testing katuwang an Department of Health (DOH) Bicol asin kan Provincial Health Office.
Sinabi ni Santillan, an HPV iyo an nagkakawsa nin cervical cancer sa mga babaye.
Mientrastanto, taon-taon su boot nindang ikinokondusir an aktibidad na ini sa syudad para magtaong awareness sa mga Legazpeño.