Padadamihin muna ng City Agriculture Office ang mga kambing na ibinigay ng Department of Agriculture sa Olongapo City Government.
Ang mga ito ang magsisilbing breeder ng syudad at kapag naparami na ng husto ay saka ibibigay sa mga kwalipikadong benipisyaryo sa lungsod.
Ayon kay Francis Ela Maniago ng City Agriculture Office, dalawamput limang piraso ang kasalukuyang bilang ng mga hybrid goats.
Ito ay nasa pangangalaga ng isang asosasyon na katuwang ng opisina para makapagparami pa.
Layon nitong matulungan ang mamamayan na interesado para magkaroon ng dagdag na kabuhayan.//Jen Bayot-BNFM OLONGAPO
Photo Courtesy: City Agriculture Office