LEGAZPI CITY – Nangangapodan an Integrated Bar of the Philippines (IBP) Albay sa mga Albayano na isumbong sainda kung sisay an mga imbwelto sa vote buying asin selling kan nakalihis na eleksyon sa Barangay asin Sangguniang Kabataan.
Ining nganing masiyerto na an resulta kan eleksyon hale sa malinig na paagi asin wara nin impluwensya nin anuman na bagay o kantidad.
Bukas su boot sinda sa pagtatao nin legal na asistensya sa mga mareklamo nganing mapanimbag an mga nagbalgar sa mga regulasyon katakod kan eleksyon.
Magdara sana nin makusog na ebidensya siring kan video o picture na mapatotoo sa saindang reklamo nganing masangatan nin maninigong askyon.