Ihatod na sa iyang ulahing kapahulayan ning adlawa si Maam Yentez Quintoy

IHATOD na sa iyang ulahing kapahulayan si Brigada Executive Office Director ug Chief of Staff Yentez Quintoy pito ka adlaw sukad kini gipusil patay niadtong Hunyo 4 samtang pauli sa ilang balay.

Kalabot niini,nagpagawas og official statement ang Brigada Group kalabot sa kalambuan sa kaso.

Gipasalamatan usab sa management ang paspas nga pag-aksyon sa mga otoridad aron mahatag ang hustisya sa biktima ug manubag ang responsable sa krimen.  Napasaka na ang kasong murder batok sa suspek Ralph Gerald Andoy Sorabia ug karon ginapangita na sa mga imbestigador ang mga kaubanan sa nahisgutan luyo nga may bag-ong impormasyon ug ebidensya nga gitugyan sa mga otoridad kalabot sa Quintoy slay case.

Lakip gipasalamatan sa Brigada Group silang Sen. Christopher Lawrence “Bong” Go ug liderato sa PNP ug NBI sa paspas nga pag-aksyon sa maong kaso lakip na ang brutal usab nga pagpatay sa laing kaubanan sa Brigada nga si Demmar Santos, manager sa security agency sa kompanya ug ubang pagpamusil sa GenSan.

Padayun usab nga makig-alayun ang Brigada sa mga otoridad alang sa paspas nga pagsulbad sa maong mga krimen.

Ang kamatayon ni Quintoy dili mahimong makawang tungod kay nakaaghat kini sa mga awtoridad sa pagpatuman sa balaod hangtod nga makab-ot ang ginapangayo nga hustisya sa pamilya Quintoy.

Leave a Reply

Your email address will not be published. Required fields are marked *