Ika-103 nga Malasakit Center sa Pilipinas gibuksan sa Carcar City, Cebu

Pormal na nga gibuksan ang ika-103 nga Malasakit Center sa tibuok Pilipinas diin anaa kini nahimutang sa Cebu Provincial Hospital, General Luna, Carcar City, Cebu.

Si Senator Bong Go mismo maoy mipahigayon sa unveiling sa Malasakit Center uban ni Cebu Gobernador Gwendolyn Garcia, Congressman Pablo John Garcia, Talisay City Mayor Samsam Gullas, ingun man OPAV Secretary Michael Dino ug pipila ka mga mayor sa habagatang bahin sa Sugbo.

Si Gobernador Garcia mismo ang midawat sa cheque nga nagkantidad ug P5 Million alang sa unang buwan nga pundo sa malasakit center.

Matag buwan, aduna kini’y gahin nga P5 million ug wala pa kini labot sa P10 Million nga pang one time gikan mismo kang Senator Bong Go.

Human sa kalihukan sa Carcar Provincial Hospital, miadto na usab si Senator Bong Go sa bag-ong merkado sa Carcar kauban gihapon ang mga opisyales aron sa paghatag ug Assistance sa mga Delicacies Vendors, Habal-habal Drivers, ug Traffic Operation Development Authority sa Carcar City diin kapin sa 2,000 ka mga tawo ang nakapahimus sa abag gikan sa Senador.

Leave a Reply

Your email address will not be published. Required fields are marked *