Insigida nga nagpaguwa it Press Release ro Iloilo City Fire Station matapos ro natabo nga sunog kahapon sa Zone 3, Brgy Salvacion Habog Habog, Molo, Iloilo City.
Base sa nasambit nga press release, natabo ro sunog alas 4:29 it kaaganhun nga umabot sa 4th alarm situation, ag gindeklara nga fire out bandang alas 6:59 it agahun.
Tatlo ro nailistang namatay sa sunog nga ginaeakipan it sangka PWD nga 65 anyos nga lola, sangka 27yo nga eaeaki ag sangka 10 dag on nga unga nga eaeaki.
Owa man it nailistang naninahan sa bahin it mga rumesponde, samtang kabilugan nga 65 nga baeay ag establisyemento ro nadaeahig.
Sa nasambit nga numero, 63 ro totally damaged samtang daywa ro partially damaged.
Umabot sa 71 ka pamilya ro apektado it sunog nga ginaboebanta nga kapin sa P6,664,000 ro naging kahalitan.
Samtang, nagpaabot man it pakikipag-unong ro BFP Region 6 sa mga apektadong pamilya. // ANN DESLENE SALAZAR