Nakalista ro Iloilo City it 30 kaso it pertussis o whooping cough, kaeakip eon ro pagkamatay it 1-year old nga eapsag.
Sa advisory nga ginpaguwa kahapon, kinumpirma nga may 10 kaso ro syudad, samtang sambilog sa mga natapnan hay namatay.
Kinumpirma ni Iloilo City Mayor Jerry P. Treñas ro insidente it unang pagkamatay bangud sa pertussis ag ginkasubo nana ro kakueangan it mga bakuna para sa mga unga.
Ginhayag man it alkalde nga ro DOH hay maga padaea it 6,000 doses it pertussis vaccine sa Iloilo City.
Nauna eon nga gin-aprubahan it Iloilo City Council ro rekomendasyon it City Disaster Risk Reduction Management Office (CDRRMO) nga ipaidaeum ro syudad sa state of calamity para masolusyunan ro pagkalat it sakit. // ANN DESLENE SALAZAR