Kinumpirma it Civil Aviation Authority of the Philippines nga uman nga na-certify it United Kingdom Accreditation Service, o UKAS, ro Environmental Management System it Iloilo International Airport.
Ro nasambit nga event ro nag marka sa unang kadaeag-an it airport sa surveillance audit halin kat maangkon ro ISO 14001:2015 certification ku nagtaliwan nga dag on, nga nagapakita it padayun nga pagsunod kara sa international environmental standards.
Nagpaabot man it andang pagpasaeamat sanday Iloilo International Airport Manager Manuela Luisa Palma ag CAAP Area Center 6 Manager Engr. Eusebio “Joebon” Monserate para sa panibag ong sertipikasyon.
Gindayaw ni CAAP director general Captain Manuel Antonio Tamayo ro pamunuan it airport para sa pag angkon euman it sertipikasyon ag gin-engganyo ro iba pang mga airport nga ginapadaeagan it CAAP nga padayunon ro mga kaparehu nga sertipikasyon it EMS. // ANN DESLENE SALAZAR