Ginakonsidera makarun ni Rabiya Mateo ro pagsueod sa show business matapos nana nga maipasa ro anang titulo sa masunod nga representante, suno kay Miss Universe Philippines Organization (MUPO) Jonas Gaffud.
Suno kay Gaffud, nakabatun si Rabiya it mga offers pero sa makarun hay naka pokus ro beauty queen sa anang papel sa Miss Universe.
Sa makarun hay sa United States pa si Rabiya ag planong umuli sa Iloilo sa Hulyo.
Naga desisyon gihapon ro MUPO kung pagahiwatun ro masunod nga Miss Universe Philippines sa Setyembre o Oktubre it rayang dag-on.
Matapos segun kara, pagatan-awon ni Rabiya ro tanan nga ginatanyag kana sa showbiz. / ANN DESLENE SALAZAR